၁၃။ ချိန်ပါငြိမ်းချမ်း နှင့် ခါးသိန်းသန်း

ကိုငြိမ်းချမ်းသည် ကျောင်းစာတွင်စိတ်ဝင်စားမှုပြင်းထန်သည်။ ရဲဝင်းသူ လမ်းစဉ်အတိုင်း စာကိုအကြောင်းပြ၍ ကောင်မလေးများကို ချဉ်းကပ်ခြင်းပါပေ။ ကောင်မလေးများ အထင်ကြီးစေရန် တပေခန့်ထူသော Object Oriented C ++ စာအုပ်ကြီးကိုင်ကိုင်၍ လမ်းလျှောက်လေ့ရှိသည်။ တော်ရုံ ပရိုဂရမ်မာ များသူနှင့် လုံးဝ မငြင်းရဲ။ သူသည် ယခုခေတ်အခေါ် ဖင်ပိတ်ငြင်းတတ်သောကြောင့်ဖြစ်သည်။ ၄င်း၏ အချစ်ရေးကံခေပုံများကို
ဖော်ပြလိုသော်လည်း အခြေအနေ မပေးသောကြောင့် ဖော်ပြနိုင်ခွင့်မရှိသေးပါ။ ငြိမ်းချမ်း၏နှလုံးလမ်းကြောင်းသည် ကား ကျွန်းမဟုတ်၊ တိုက်ကြီးပါခံနေပုံရသည်။ အခါအလျဉ်းသင့်သလိုဖော်ပြပါဦးမည်။ အခါတပါး၌ ငြိမ်းချမ်းတယောက် စက်ခန်း ၂ ထဲတွင် တယောက်ထဲ လွန်စွာ အလုပ်ရှုပ်နေသည်ကိုတွေ့ရသည်။ ကွန်ပြူတာ ကီးဘုတ်ကို အပေါ်ထောင်ကြည့်လိုက်၊ အောက်ဆိုက်ကြည့်လိုက် လက်နှင့်ပွတ်လိုက် ၊ ကွန်ပြူတာမော်နီတာ ကြည့်လိုက်နှင့် လွန်စွာ ခက်သော ပရိုဂရမ်တခု ရေးသားနေဟန်ရှိသည်။ ဒါနဲ့စိတ်ဝင် တစား သွားမေးကြည့်လိုက့်မိပါသည်။ " ငြိမ်းချမ်း မင်းဘာရေးနေတာလဲ " "ရေးနေတာမဟုတ်ဘူးကွ ရှာနေတာ၊ ဒီမှာကွာ ငါ့ပရိုဂရမ် အယ်ရာ တက်နေလို့ အဲဒါ Press Any Key To Continue တဲ့ .." "ငါ အဲဒီ AnyKey ဆိုတာ Key Board မှာရှာမတွ့လို့ကွ" ..... ငြိမ်းချမ်းတယောက် ယခုလောက်ဆို ရှာတွေ့လောက်ပြီဟုထင်ပါသည်။

ငြိမ်းချမ်းသည်လည်း ကုပ်ကမြင်း မျိုးဆက်ကဲ့သို့ပင် ကမ္ဘာပေါ်တွင် သူမကြိုက်သော မိန်းကလေးမမွေးသေးဟု ခံယူထားသူဖြစ်သည်။ အထာပေး ရင် ဆရာလေး တောင်လက်မနှေးသော အစား ဖြစ်သည်။ နေ့လည်ထမင်းစားချိန်များတွင် စွယ်တော်ရိပ်ဆိုင်၊ ဒေါ်စိန်ဆိုင် နှင့် ကျော်ကြီးဆိုင် ကန်တင်းမှာရှိသမျှဆိုင် လိုက်ထိုင်သည်၊ ဆိုင်များတွင်မှာစားခြင်းမဟုတ်၊ ဆိုင်မှာထိုင်သော ကောင်မလေးဝိုင်းမှန်သမျှ လိုက်လံစာရှင်းပြခြင်းဖြစ်သည်။ သူတော်ချင်းချင်းသတင်းလွေ့လွေ့ ဟုဆိုသည့်အတိုင်း သူရိန်မောင်မောင်နှင့် ၂ယောက်ပေါင်း၍လိုက်ရှင်းတတ်သည်။ ထိုမှစ၍ ခါးသိန်းသန်းနှင့် ဗိုလ်လုပွဲ ဖြစ်ပေါ်လာခြင်းဟု တစွန်းတစ ကြားရသည်။ ယောက်ျားမလိုချင်သေးသော ကျောင်းသူများသည် ငြိမ်းချမ်းကိုရှောင်ကြသည်။ အကြောင်းရှိပါသည်...ငြိမ်းချမ်းချိန်လိုက်သော ကောင်မလေးများ တနည်းမဟုတ်တနည်း ယောက်ျားရသွားကြသည်ချည်းဖြစ်သည်။

ဗိုက်ကလေး ခေါ် ချိန်ပါငြိမ်းချမ်းအကြောင်းရေးလျှင် သိန်းသန်းသွင် အကြောင်းကို ချန်ထား၍ မရပါ။ ထို့ ကြောင့် သိန်းသန်း သွင် အကြောင်းကို ပူးတွဲ၍ တင်ဆက်လိုက်ပါသည်။
ငြိမ်းချမ်းသည်ဆရာဂိုက်ဖြင့် စာအုပ်ထူကြီးကိုင် ကာ ဖတ်ပြီးနာလည်ပုံမရပဲ သူများကို အာပေါင်အာရင်းသန်သန်ပြောတတ်သောကြောင့် အောင်စိုးဝင်း က အထင်ကြီးသည်ကိုလည်းအပြစ်မတင်ထိုက်ပေ။ စာအုပ်ထူထူ ကိုင်ပြီး လူ အထင်ကြီးအောင် နေတတ်သူ ထဲ တွင် ရှေ့ က ဖော်ပြထားပြီးဖြစ်သော ခါးသိန်းသန်းတစ်ယောက် ရှိသေးသည်ကို မီလိုက်သူတို့ မှတ်မိကြဦးမည်။ တစ်ဂူထဲတွင် အရူး နှစ်ကောင် မအောင်း ဆို သည့် အတိုင်း( တကယ်တော့ အရူးများနှင့် နှိုင်းရသည်မှာ အရူးများ သိက္ခာ ကျပါသည်။ ) ဆရာ ငြိမ်းချမ်းနှင့် ဆရာ သိန်းသန်းသွင် တို့ မတည့်ကြသည် မှာ အံသြဖွယ် မရှိပါ။
နောင်သောအခါ ဂိုက်ပေးကြမ်းသော ငမျိုး လက်မောင်းကို ဓားဖြင့် လှီးပြခြင်းပြီး ပြီးနောက် ငြိမ်းချမ်းနှင့် သိန်းသန်း နောက်ဆုံးအဆင့် ပြိုင်ပွဲကြီးဖြစ်ပေါ်လာသည်။ ငြိမ်းချမ်းက အပေါင်းအသင်း အင်းအား ကောင်းကောင်းဖြင့် အာပေါင် အာရင်းသန်သည်။ ထိုစဉ်က ယခု လို သောက်စားခြင်း မရှိသေးရာ လူသေးသလို သိုင်းပညာအားဖြင့် လည်းအလေ့ အကျင့်မပျက်သေး။ သိန်းသန်းသွင် ကတော့ သောက်စားခြင့်း၊ မူးယစ်ခြင်းတို့ ဖြင့် ရံဖန်ရံခါ စက်ဘီးပင်မနိုင်ပဲ canteen ရှေ့  ၃ ပေခန့် ကျယ်သောမြောင်းအတွင်း ပြုတ်ကျတတ်သည်။ သို့ သော် စိတ်က တော့မလျော့။ ၄င်းတို့ မျိုး ရိုးစဉ်ဆက် သိုင်း သမားများဖြစ်ကြောင်း၊၄င်းသည် ကျန်းဆန်းဖုံး (၀ူတန်းဂိုဏ်းချုပ် နှင့် စတင်ထူထောင်သူ) မှ ဆင်းသက်လာသူဖြစ်ကြောင်း ၊ လူသာ ပိန်သော်လည်း အတွင်းအားနှင့် ဓားသိုင်းကျွမ်းကျင်လှကြောင်း စသဖြင့် အစဉ်တစ်ဆိုက် ပြောဆိုလာသည်။ မူးနေခြင်းမှာလည်း အရက်သမားသိုင်းတစ်မျိုး တီထွင်ရန်ဖြစ်သည်ဟု ကာကွယ်ပြောတတ်သည်။ သိန်းသန်း ၏ပြင်ဆင်မှု ကြားသော အခါ ငြိမ်းချမ်းလည်း မနေနိုင် ။ သက်လုံကောင်းစေရန် အိမ်နားပတ်၍ပြေးသည်။ ကျောင်းရောက်လျှင်လည်း ပြေးသည်။ အစက ပြေးလျှင် ပုဆိုး ဂွင်းသိုင်း၍ ပြေးရာ ၄င်း၏ကိုယ် ဖော့ပညာစွမ်းကြောင့် လူမမြင်တန် ရာဟု တွေးထင်ထားသည်။ သို့ သော်လည်း ကျောင်းလှေကားမှဆင်းအပြေးတွင် မိန်းကလေးအုပ်စု ကြောက်လန့် တစ်ကြီး အော်ဟစ် ၍ အိမ်သာထဲဝင်ပြေးခြင်း ဖြစ်ပြီးကတည်းက အောက်ခံ အားကစားဘောင်းဘီ ကို အမြဲဝတ်ထားရတော့သည်။ ဤ သို့ ဝတ်ထားမိခြင်းကြောင့် ငြိမ်းချမ်း တစ်ယောက် ခွေးရူးကံကောင်း ဖြစ်ပြီး ယှဉ်ပြိုင်ပွဲတွင် များစွာအထောက်အကူ ပြုခဲ့လေသည်။

ဆက်လက်ဖော်ပြပါမည်။

ဗာလ/ဒိုက်စ်